commentakerfi
Það væri fínt að fá comment hér síðuna um það hvernig maður setur upp commentakerfi.
|
Verði þér að góðu jólasveinn
Það var aðfangadagur og Siggi litli var orðinn rosalega spenntur og gat hreinlega ekki beðið eftir að jólin byrjuðu. Á meðan Siggi beið í eirðarleysi var mamma hans fram í eldhúsi, þegar byrjuð að elda jólasteikina. Siggi fór inn í eldhús og spurði mömmu sína hvort að hún ætti eitthvað að gera handa honum. En mamma hans sagði við hann að hann væri allt of lítill til þess að geta hjálpað til. Siggi fór þá til pabba síns sem var að gefa svínunum. ,,Pabbi" sagði siggi litli ,, má ég hjálpa þér að gefa svínunum" en pabbi Sigga litla sagði að hann væri hreinlega allt of lítill. Þá fór Siggi litli til systur sinnar sem var að mjólka ána sína í ofurlitla fötu. Siggi spurði systur sína hvort að hann mætti hjálpa henni, en hún sagði að hann væri of lítill til þess að geta hjálpað sér. Siggi litli var orðinn mjög leiður og hugsaði með sjálfum sér,, ég skal sko sína þeim að ég er ekkert lítill". Siggi Litli tók sig til Þeystist á bak á Svíninu Þorgrími og saman héldu þeir upp í ævintýaraferð. Sigga til nokkurrar undrunar þá reyndist Þorgrímur altalandi á mannamáli auk þess sem hann talaði rússnesku, jiddísku og Tröllamál. Siggi og Þorgrímur ferðuðust langan veg og stoppuðu ekki fyrr það var byrjað að rökkva. Siggi tók eftir því að allt í kringum þá voru háir klettar og hvergi virtist vera leið út úr þessum dal sem þeir voru komnir í. ,,hér hvílum við okkur" sagði Þorgrímur í valdsmannslegum tón. Siggi hafði tekið eftir því að Þorgrímur taldi sig vera foringja í leiðangrinum og satt best að segja fór það í taugarnar á honum. ,,Hver skipaði þig einhvern foringja" sagði Siggi ,,hvað er er að þér" sagði Þorgrímur á einstaklega hrokafullan hátt um leið og hann brosti kaldhæðnislega. Við þetta fauk í Sigga sem tók upp stærtsta stein sem hann sá og lét hann falla ofan á höfuð Þorgríms sem vissi aldrei hvað það var sem lenti á honum, höfuðkúpan gaf sig og út vætlaði maukað blóð. ,,Hver talar jiddísku núna!!!" öskraði Siggi svo hátt að fjöllin í kring nötruðu vegna kröftugra hljóðbylgna sem komu úr raddböndum Sigga litla. Siggi litli fann að hann var orðinn svangur og nú kom það sér vel að hafa verið í skátunum, því hann kunni að kveikja eld með því að núa saman tveimur spítum. Eftir að hann hafði kveikt eld stakk Siggi Litli teini í gegnum svínið Þorgrím og byrjaði að grilla hann. Siggi litli var orðinn nokkuð hræddur því hann var kominn svo langt að hann rataði ekki aftur heim og nú var líka byrjað að snjóa. Þegar Siggi hafði grillað Þorgrím í góðan tíma og maturinn var alveg að vera orðinn tilbúinn heyrði Siggi skyndilega hljóð. Þetta hljóð var ekki ósvipað garnagauli, bara miklu miklu hærra og hljóðið nálgaðist. Garnagaulið var nú ekki meira en tíu metra frá Sigga en hann gat samt ekki séð hver, eða hvað þetta var, því það var svo dimmt. Siggi sá dökka mikla veru nálgast birtuna. Fyrst gat hann bara séð svört stígvél en svo sá hann að veran var klædd í rauðan búning. Viti menn þetta var sjálfur jólasveinninn. ,,Jólasveinninn" hrópaði Siggi litli í hrifningu. hó hó hó sagði jólasveinnin veikum mætti. ,,Er eitthvað að jólasveinn"? spurði Siggi litli. Já, sagði jólasveinnin ég gleymdi að taka með mér nesti í sjálfan jólaleiðangurinn. Ekkert mál sagði Siggi ,, ég er akkúrat að grilla Þorgrím." ,,grilla Þorgrím"? muldraði jólasveinnin í undrun sinni en skeytti ekki meira um það því hann var orðinn svo svangur. Siggi og Jólasveinninn átu svínið og drukku rauðvín sem jólasveinnin hafði ætlað að gefa manni sem hafði dáið fyrr um kvöldið og því hafði sá maður ekki not fyrir það lengur. Þegar þeir voru báðir orðnir mettir bauð jólasveinninn Sigga litla far heim sem hann þáði. Þegar heim í hlað var komið sagði jólasveinninn kankvís ,,þakka þér fyrir allt saman" og Siggi svaraði um hæl ,,verði þér að góðu jólasveinn, verði þér að góðu". Síðan flaug jóasveinnin út í nóttina saddur og glaður. Eftir þetta kölluðu allir Sigga litla, Sigurð eða herra Sigurð og Siggi litli fékk alltaf nóg að gera á jólunum.
|
Djöfull er leiðinlegt að blogga
Djöfull er leiðinlegt að blogga
|
Af hverju á keðjan enga vini?
Keðjan fékk fyrirspurn frá einum af lesendum síðunnar í gær og hljóðaði hún svo, af hverju er ekkert commentakerfi eða staður þar sem hægt er að fara inn á síður annarra bloggvina? m.ö.o af hverju átt þú enga vini Keðja? Keðjan fór í naflaskoðun og komst að þeirri niðurstöðu að Keðjan hefur persónuleika á við dyrakarm á miðju parketi, gerir engum gagn og er bara til þess að reka tána í. Keðjan er nefnilega eins og dyrakarmurinn að því leyti að maður tekur bara eftir honum ef stigið er ofan á hann og er það svona hálf óþægilegt en þú spáir ekki mikið í það, eins er að hitta Keðjuna á förnum vegi, hálf óþægilegt en þú spáir ekki mikið í það. En eins og með dyrakarminn, þá sér maður eftir þvi að rekist utan í Keðjuna. Því ef Keðjunni dettur í hug að vera í vondu skapi, þá er hún alveg hreint gríðarlega leiðinleg og má líkja því við að reka tána í dyrakarm. Að endingu vill Keðjan brýna fyrir lesendum að reykja aldrei krakk.
|
Berdreymin Keðja?
Keðjan tók sig til um daginn og mundi hvað hana dreymdi. Draumur sá var á þann veg að hún gekk inn á leikvang þar sem henni var fagnað sem hetju. Keðjan skildi ekki alveg hvað var þar á ferð enn var nokkuð sátt því það er ekki á hverjum degi sem tugþúsundir eru að hylla hana. Skyndilega var Keðjunni þó litið á stóran skjá sem þar var og á honum stóð ,,björgun frá falli" og svo kom fótur sem sparkaði stöfunum í mark. Þetta er nokkuð athyglisvert þar sem Keðjan og félagar standa akkúrat eins og er í mikilli baráttu um það að halda sér í efstu deild íslensku knattspyrnunnar (sem hefur allt upp á að bjóða, mörk, grip, skalla og hárnákvæmar utanfótar sendingar) Við grípum hér niður í umfjöllun um leikinn af síðunni Kedjan_.blogspot.com. ,,Frammarar sóttu Ka menn heim í gær og voru það gestirnir úr Safamýri sem voru sterkari aðilinn til þess að byrja með en án þess þó að skapa sér nein veruleg færi. Það var því ekki gegn gangi leiksins þegar sköllótti svertinginn Kristján Brooks fiskaði vítaspyrnu undir lok fyrri hálfleiks sem fyrirliði frammara Ágúst Gylfason skoraði úr. Seinni hálfleikur einkenndist af mikilli barráttu og fátt var um fína drætti. Fátt gerðist, Frammarar vörðust vel á meðan Ka menn sótt án þess þó að fá mörg marktækifæri. það var ekki fyrr en á seinustu mínútu sem Ka menn náðu að brjótast í gegnum vörn frammara en þar hittu þeir fyrir Gunnar markvörð Sigurðsson sem varði glæsilega úr dauðafæri. Staðan í deildinni er þannig að frammarar eru komnir úr botnsætinu með 17 stig, en ka menn eru í sætinu fyrir ofan, einnig með 17 stig, en betri markatölu" Er það að gerast einu sinni enn, eru frammarar að bjarga sér frá falli, er Keðjan berdreymin?
|
